لو عايز تشترى جهاز أقرأ الاتى

النهاردة هنبدأ مع بعض رحلة وهى دليل الكمبيوتر الجديد بمعنى ان اللى عايز يشترى كمبيوتر يقدر يتعرف على مكونات الجهاز حتة حتة ويقدر ان شاء الله يختار أنسب شىء ليه لما يعرف كل حاجة فى الجهاز..

نبدأ

الجهاز من الخارج ينقسم الى حوالى 5 قطع ضرورية وهى :

1- الكيسة Case ودى اللى فيها أجزاء الكمبيوتر
2- الشاشة Monitor ودى شاشة العرض
3- لوحة المفاتيح Keyboard
4- الفارة Mouse
5- السماعات Speakers
دول لا يخلو منهم أى جهاز كمبيوتر فى أى بيت

الاول هنتناول الحاجات الخفيفة

أ- لوحة المفاتيح :

ودى مفيهاش كلام كتير لأنها موجودة بمليون شكل وصورة وسعر بس فى حاجات تراعيها فى اللوحة لما تيجى تشترى وهى :
- وجود أزرار ملتيميديا يعنى لخفض الصوت والنت والتحكم فى الميديا بلاير لأنها فعلا بتساعد كتير
- تكون الكيبورد من واجهة USB أفضل من PS/2 لأنها أسرع وأفضل
- الكيبورد تدعم العربية وتكون الحروف مكتوبة بالعربى ع الأزرار
- نيجى بقى للتقيل والمهم هو انك ما تسترخصش كيبورد وتفرح بأم 15 أو 20 جنيه لأنها بتبقى خفيفة وبتبوظ بسرعة ومن الآخر كيبورد محترم لا يقل عن 50 جنيه ووالله مش خسارة لأنها بتعيش والأنواع اللى أوصى بيها :

2- AOpen
3- A4Tech
4- Tiger
5- Gigabyte

وعموما فى أنواع كتير تانية كويسة بس دول مجربين والمهم وانت بتشترى تتأكد انه تقيل وزرايره حرة الحركة وخفيفة ومش هتعمل صوت

ب- الفارة:

دى مافيهاش كلام بس تفضل طبعا من نوع الماوس الضوئى Optical Mouse يعنى من غير بلية من تحت عشان مش ناقصة خنقة و مشاكلها كتير
ويكون الماوس انسيابى متناسب مع وضع الكف عليه من فوق ويكون فيه بكرة Scroll Mouse عشان بتريح فى شغلها
أنواع مقترحة:

2- LG
3- Genius
4- A4Tech

سماعات الكمبيوتر:

الموضوع يبدو صغير بس فى الحقيقة انه مهم نعرف عنه شوية حاجات ناس كتير لا تهتم بها

طبعا السماعات بقت جزء مهم لا يمكن التخلى عنه فى أى جهاز حاليا نظرا للاتجاه اللى بدأنا نسلكه من جعل الكمبيوتر أداة ترفيهية رقمية يعنى بالعربى كدة
- ألعاب وعاوزة سماعات حلوة عشان تستمتع بالمؤثرات اللى فيها وتعيش معاها
- اغانى ودى يعنى مفيش جهاز يخلو منها
- أفلام ودى ماشاء الله الأجهزة مابقتش ملاحقة عليها
- طبعا الوسائط الدينية الصوتية والمرئية
- كمان الناس اللى ممكن تعمل شغل وسائط متعددة زى أفلام فلاش وثرى دى

طيب نختار السماعة على أساس ايه ؟
مبدئيا أعتقد ان كلنا بقينا بنشترى صب ووفر وده للى ميعرفش - وماعتقدش ان فى حد مايعرفش - هو عبارة عن وحدة سماعة كبيرة ودى اللى بتتوصل بالجهاز وبيتوصل فيها بعد كدة السماعات الصغيرة وميزة الحكاية دى انك توصل كذا سماعة بالجهاز ( حتى 7 سماعات ) عن طريق جهاز واحد اللى هو (وحدة الصب ) يعنى بتوفر توصيل وطبعا الصب الضخم ده يتمتع بقوة فى مؤثراته الصوتية(BASS, TREBLE) يعنى الدبدبة وال***كة والذى منه بمعنى أدق ممكن تعمل بيه فرح
طيب ماشى هنجيب صب , نعرف قوته منين يعنى كام وات ؟؟؟؟
تلاقى الصب من دول مكتوب عليه 3500 وات ولو شغلته وخرجت برة الأودة ماتسمعوش يبقى نصب ده ولا ايه ؟
لأ ياسيدى السماعة لها مقاسين ايه هم ؟
الوات الأول اللى هو P.M.P.O وده اللى بيبقى كبير قوى يعنى ممكن تلاقيه لغاية 7000 وات ويمكن أكتر فى الحاجات الكبيرة
الوات التانى وده الفعلى بس ماحدش بياخده فى الاعتبار وهو RMS وده بقى القوة الحقيقية للسماعة وده بيبقى صغير قوى يعنى تلاقيه مثلا 40 أو 50 ولو لقيت 100 تبقى باشا بس ده طبعا فى السماعات بتاعتنا اللى فى البيت يعنى

فى حاجة أخيرة نتكلم عنها قبل مانقفل الحلقة وهى انك عشان تتمتع بالصب اللى انت جايبه صح لازم تجيبله كارت صوت على قده يعنى
لو جايب صب 2,1 (صب وسماعتين) يركب على كارت صوت عادى
طيب لو جايب صب معدى يعنى 7,1 تركبه على كارت صوت بيلت ان ؟
لأ , بلاش بخل بقى عشان تتمتع بالقوة اللى انت جايبها لازم تجيبله كارت 7,1 لايف . والغاوى ينقط بقى

ملحوظة : طبعا البيلت ان مش وحش لأن فى البورد الجامدة الجديدة تلاقى فيه كروت صوت لغاية 7,1 يعنى تشيل أجدع صب بس أنا باتكلم ع العموم يعنى

طيب عشان نخلص بقى هارشح لكم كام نوع زى كل مرة عشان طولت عليكم :

3- Phantom
4- Tiger

وتعلى الصوت ع الآخر وتتأكد ان مافيش هزة فى الصوت لما يعلى ولا نغبشة لما تخبط ع السماعة من برة وتكون تقيلة كدة وبنت حلال

الشاشات أو المونيتور ( Monitors ):

طبعا لما تيجى تشترى شاشة متسألنيش ال 15 ولا ال 17 بوصة أحسن ؟؟
كل واحد ومزاجه وطبعا - كاشاته -
يعنى مسألة المقاس دى ترجع لمزاج حضرتك انما اللى يهمك فى الشاشة الوضوح الأقصى بتاعها Max. Resolution وده يعنى لو هتستخدم كارت نضيف وهتشتغل شغل جرافيك وثرى دى وفيديو يبقى محتاج مونيتور وضوحه عالى يصل الى 1024* 1280 وكل الشاشات اللى فى السوق حاليا تدعم الوضوح ده ويمكن أعلى كمان بس المشكلة هتبقى لو هتجيب شاشة مستعملة أو قديمة فخللى بالك من النقطة دى وده طبعا هيبان فى الشاشات القديمة وخصوصا لما ناس بتيجى تسطب اكس بى يقولك الشاشة فصلت لأنها لا تدعم وضوح ومعدل تنقية عالى

حاجة كمان ان الشاشة كلما كانت أقرب للتسطيح طبعا كانت أفضل لأن الأشعة الناتجة منها بتقل وبالتالى حماية أفضل للعين يعنى هتلاقى الفلاترون من ال جى مثلا أغلى من العادية ودى هى فلات ال جى بس طبعا أغلى شاشة هى البلازما LCD اللى بتبقى رفيعة قوى وشاشتها سودا ودى الاشعاع الخارج منها صفر بس عيبها انها بتتأثر باضاءة المكان والرؤية بتبقى صعبة كلما بعدت عنها أو وقفت بزاوية يعنى لازم تبقى قدامها عشان تشوف

يبقى الأفضل الشاشات المسطحة وبعدين LCD وأقلهم العادية بس ماحدش يخاف منها يعنى مش هتجيبلوا العمى انما احنا بنقول الوقائع وعموما كل ده بيتوقف أولا وأخيرا على امكانياتك المادية فقط

طبعا الشاشة ياريت يكون فيها لوحة أزرار جيدة للتحكم فى الألوان والاضاءة وبعضها بقوائم لغة عربية كمان

وأرجع و أقول الشاشة اختيارها فى الاول والآخر يرجع لامكانياتك ومزاجك

عشان نخلص بقى نرشح لكم كام نوع كدة

1- Samsung وده يعتبر الأفضل فى سعره بالنسبة لامكانياته ومش مضروب
2- BENQ
3- LG
4- SONY
5- PHILIPS

الكيسة:

يعنى الصندوق اللى هيبقى فيه كل حاجة
الكيسة كتير مننا ما بيهتمش بيها الا فى الشكل بس يعنى يختار شكل ومايهمش أى حاجة تانية بس ده غلط لأن فى حاجات فى الكيسة ياريت نراعيها قوى قوى

أول حاجة لها علاقة شوية بالشكل يعنى ترجع لمزاجك برضه وهى الهاند أو اليد اللى بتبقى فى الكيسة من فوق ياريت تكون موجودة لأنها بصراحة ضرورية فى نقل الكيسة - واسأل مجرب- لأن شيل الكيسة على قلبك وحش يابنى والله
بس وانت بتجيبها تتأكد ان اليد دى مشطوفة كويس يعنى مش بعد ما عملوها سابوا البروز البلاستيك الزيادة فيها لأنك وانت شايلها مليانة وتقيلة اليد دى كفيلة بانها تشرح ايدك وماحدش يستخف بالكلام ده
طيب خلصنا من اليد , ايه تانى ؟؟ تفتح الكيسة وتتأكد من ان الغطا نضيف وأطرافه معدولة وبيركب ويتخلع بسلاسة وبعد كدة تضرب عينك فى الكيسة لازم تحس انك شايف ملعب كورة قدامك يعنى تختار كيسة ضخمة بمعنى الكلمة لأن الكيسة لازم تبقى واسعة من جوة عشان تعرف تشتغل فيها مش تيجى تركب البوردة تحتاج حد يطلعك عشان ايدك اتزنقت
طيب اللى بعده , المادة اللى مصنوع منها الكيسة واوعى تصدق ان فى كيسة استانلس - من اللى بتشوفهم - عشان لو استانلس تمنها بأمر الله هيخش فى ال600- 700 جنيه مبدئيا ( على فكرة فى كيسات بتوصل 1500 جنيه بس مش موضوعنا )
يعنى كله صاج وفى ألمونيوم وده أحسن المهم ان السمك بتاع الصاج يبقى جامد يعنى مش تزقها بصباعك تروح وتيجى معاك زى المنديل الورق انما لازم تكون سميكة وماسكة نفسها كدة وبعدين لازم تكون اما مجلفنة يعنى مدهونة بلون كدة زى الرمادى وده بيبقى فى الأنواع الرخيصة أو تكون من ألمونيوم نضيف لونه فضى فاتح وبيلمع وفعلا شبه الاستانلس ودى بتبقى حلوة قوى
طيب خلصنا الشكل نخش ع اللى جواها بقى , الكيسة لازم تكون فيها 4 أماكن 5,25 بوصة ودى اللى بيركب فيها السى دى روم والموبايل راك ويكون ع الأقل مكان فلوبى وأماكن للهارد ديسك ودى بتبقى تحت الفلوبى وتكون كفاية عشان فى كيسات بخيلة يعنى لازم عالأقل مكانين
الكيسة يكون فيها الآتى بقى :

1- زرار باور ويكون نضيف مش بلاستيك تعبان وتدوس عليه وتتأكد من سلاسته فى الشغل يعنى يطلع وينزل صاروخ مش يعلق
2- زرار ريستارت ونفس الكلام زى اللى فوق
3- لمبة باور
4- لمبة هارد
5- سماعة كيسة ودى مهمة عشان تسمع تحذير البوردة
6- يا حبذا يكون فيها مروحة أو أكتر من جوة عشان التهوية تبقى تحفة

طبعا الحاجات دى تبص عليها وتتأكد من الجاكات بتاعتها وانها مكتوب عليها كل حاجة عشان مش هنقعد نجرب ونحتاس
بعض الكيسات كمان بيكون فيها USB وهيدفون ومايك بس يعنى غالبا مالهومش لازمة

كل ده عمليا 20 % من أهمية الكيسة , انما المهم بقى والباشا الكبير جوه هو مصدر الطاقة أو الباور سبلاى Power Supply

لازم الوات يكبر كلما عليت امكانيات جهازك وسرعته وخصوصا أصحاب كروت الشاشة PCI-Express لأنها بتسحب باور كتير لذلك يصل الوات الى 400-450 وات فعلى عشان الجهاز ما يتأثرش وبرضه البروسيسور ال LGA محتاج وات عالى وأرجع وأقول انك مش هتقدر تقيسه لأنه محتاج جهاز مخصوص يبقى أملك بقى فى الماركة , بس قبل ما قول ع الأنواع نقول الحاجات اللى هتحتاجها برضه من السبلاى وهى

1- ع الأقل 4 جاك باور عادى للهارد والسى دى روم
2- 1 جاك باور للفلوبى ديسك
3- بعض السبلاى الجيد يكون فيه باورات للهارد الساتا وبتبقى سودة وعريضة ومبططة

ننجز بقى ونقول ع الانواع اللى هنرشحها

1- Gamma ودى الحوت ومن أغلى الأنواع تبدأ من 250 جنيه بس بصراحة تستاهل لأن السبلاى بتاعها نضيف قوى ونوعه جاما برضه (تعرف السبلاى الجاما بانه بيكون مكتوب عليه hec بالأخضر من الجنب )
2- Jumbo نوع عادى بس نضيف وشغال
3- Premium

اللوحة الأم أو المازر بورد Mother Board:

1- اللوحة نفسها بما عليها من مقاومات ومكثفات بيتعمل فى الشركة المصنعة اللى هى صاحبة الماركة يعنى
2- معالج اللوحة أو الشريحة الرئيسية للبوردة ودى اللى بتحمل رقم الموديل زى 865 أو 945 ودى بتعملها 3 أو 4 شركات
3- كروت الصوت والشبكة بتعملها شركة (طبعا بنتكلم عن البيلت ان )
كدة يعنى كل حاجة بتتعمل فى حتة وتتجمع فى الشركة المصنعة للوحة وتخرجلك بالموديل بتاعها

طيب على أى أساس تختار لوحة ؟

حاجة من اتنين ومش هنقعد نقسم فيهم , يا اما انت راجل بتاع شغل وعايز تجيب جهاز شغل يعنى تكتب وتخزن بيانات وتشتغل نت ولو حتى صيانة فانت ممكن تجيب جهاز معقول بامكانيات بسيطة ويشتغل معاك فل

انما لو انت زى حالاتنا كدة مش عاتق الجهاز لعب وجرافيك ونت وأفلام وتحميل وبرامج تقيلة .....و...و....و.....
يبقى انت لازم تدفع بقى يا حلو يعنى من الآخر تجيب جهاز جامد عشان النص نص مش هيعمل كل اللى انت عايزه وساعتها تبقى لا طولت فوق ولا تحت

طيب خلاص نخش فى المواصفات بقى :

فى الحالة الأولى , راجل بتاع شغل يبقى تدور ع الآتى , زى ماتفقنا ان اللوحة عليها معالج أو طقم شرائح بيحدد موديلها وكل ما على رقم الموديل عليت قدرات اللوحة وامكانياتها بس انت بتاع شغل يعنى ممكن تجيب أى حاجة من اللى فى السوق , والموديل دلوقت يبدأ من 848 يعنى شريحة انتل أو اس آى إس 848 هتقضى معاك وممكن برضه تجيب 865 ولو عايز تعلى براحتك يا باشا بقى , اللوحة طبعا بتبقى ال جى اى دلوقت وممكن تجيب الكروت كلها بيلت ان فيها يعنى شاشة وصوت وشبكة وكل اللى تحتاجه لأنك مش هتحتاج لوحة صاروخ , طبعا الفتحات الإضافية اللى عليها بتبقى AGP 4x وممكن AGP8X كل ماتعلى الموديل وبيبقى عليها فتحات PCI لإضافة كروت الفاكس والصوت والدش والذى منه وانت مش محتاج أكتر من كدة أبدا , طبعا اللوحة اللى موديلاتها أقل من 915 تدعم ويندوز 98 وانت طالع وده مهم جدا جدا للى بيتعاملوا بالويندوز القديم لأن الشرائح الجديدة كل سنة وانتوا طيبين لم تعد تدعمه دعم كلى .....
نوع الشريحة زى ماتفقنا بيكون انتل وممكن إس آى إس وممكن فيا وأفضلهم طبعا انتل .
البوردة طبعا بيكون عليها 2 IDE لتركيب هارد وسى دى روم وعليها فتحة فلوبى لازم البوردة طبعا يكون عليها ع الأقل فتحة سيريال واحدة أو أكتر .....

طيب انت ياعم يا بتاع الشغل كدة خدت فكرة نرشحلك بقى كام بوردة عشان ننجز :

1- Gigabyte 848, 865 with intel chipset
2- MSI 865 with Intel chipset
3- ASUS
4- Soltek
5- FoxConn

كدة خلصنا الغلبان بتاع الشغل نخش بقى على الشغل المفترى

ناخدها بقى واحدة واحدة من جهة الشريحة فبأى حال من الأحوال لا ترضى بأقل من 915 لأن دى هى اللى هتديك أداء كويس مع الألعاب والبروسيسور ال LGA يعنى 915 , 945 , 955 وكله بتمنه بقى
المعالج طبعا عليها هيكون LGA ويكون الكارت اللى عليها بيلت ان كارت الشبكة مش هتحتاج أحسن من كدة وممكن الصوت يكون بيلت ان بس يستحسن يكون كارت 7.1 وراجعوا حلقة السماعات وعموما البورد الجديدة كلها عليها كروت صوت جامدة قوى
طيب بالنسبة للشاشة , من الآخر كدة لن ينفع البيلت ان لأنه مهما كان ممتاز لا يرقى لمرتبة الكارت المنفصل وبعدين البيلت ان بيأثر على أداء الجهاز لأنه بيشتغل على حساب الأداء لأنه بيستهلك امكانيات الجهاز لنفسه ( أنانى يعنى )
طيب الكارت مفصول ماتقوليش AGP بقى لأن كله دلوقت بقى PCI-Express وده طبعا سرعته وأداءه أحسن 100 مرة يعنى تكون الفتحة اللى ع البوردة PCI-Express وتكون عندك برضه فتحات PCI عادية ومن الجديدة للكروت الجديدة ودى بتبقى صغيرة قوى كدة
طيب البوردة برضه لازم تكون عليها بنوك رامات مايقلش عن 4 يعنى تحط 4 رامات وتكون تدعم ال DDR II ودى هى الجيل التانى والأسرع والباص بتاعها بيكون 533 ( باص الرام )
لو هتحتاج هارد ساتا برضه بيكون عليها منه وبيكون فيها فتحات USB وكل اللى انت عايزه وبعدين زى ماتفقنا لو هتجيب بوردة أعلى من 915 يبقى انسى أى ويندوز قبل اكس بى وكمان كروت الشاشة البيلت ان فى ال915 لازم اكس بى عشان تتعرف

أظن كدة انت عرفت انت هتجيب ايه يا باشا ؟؟؟
نقولك بقى على نوعين جامدين وربنا معاك

1- GigaByte
2- MSI
3- ASUS
4- ABIT
5- FoxConn

طبعا بالنسبة للشرائح أو معالج البوردة يفضل زى ماقلنا انتل أولا بعدين SIS وأخيرا VIA وخصوصا مع AMD يفضل شرائح ال VIA البورد دى بتبدأ من 350 جنيه وانت طالع

المعالج Processor:

المهم, هنركب الموجة ونتكلم عن معالجات الانتل لأنها الشائعة واللى عايز AMD بقى برضه يمشى معاه نفس الكلام بس هيجيبه بالبوردة بتاعته

ندخل بقى فى الموضوع وهنقسمها زى ماعملنا فى موضوع البورد برضه تبعا لنوع شغلك ، بس قبل مانتكلم هنقول 3 حاجات فى البروسيسور

1- السرعة Frequency : ودى سرعة البروسيسور بالجيجا هرتز حاليا
يعنى تلاقى 2.4 و 3 و 3.4 كل دى مقاسات سرعة بالجيجا وانت وفلوسك
2- الباص BUS : ودى سرعة نقل البيانات مش معالجتها ودى بتبقى بالميجا هرتز والموجود حاليا 400 و 533 و 800 ميجا هرتز
3- الذاكرة المتاحة Cash Memory : ودى بصراحة أهم حاجة فى البروسيسور كله لأن مهما كانت السرعة عالية بس الذاكرة الصغيرة ماتحسش بسرعة لأن البروسيسور قدرته على نقل البينات بتقل تبعا للذاكرة والموجود منها حاليا 256 كيلو بايت و 1 ميجا و 2ميجا
ودى على اساسها معالجات انتل اللى فى السوق بتنقسم لقسمين :

1- Celeron وده النوع اللى على قده لأن الكاش ميمورى فيه 256 ك.ب
2- Pentium ده الوحش لأن الكاش فيه بيبدأ من 512 ك.ب لحد 2 م.ب

بس ع العموم كله يندرج تحت موديلات بنتيوم 4 P4 حاليا لأن كل مازاد سرعته عن 1.5 جيجا فهو بنتيوم 4

طب تشترى ايه منهم بقى ؟
زى ماقلنا , لو بتاع شغل هات السيليرون 2.6 أو 2.8 وبيكون الباص بتاعه 533 وكاش ميمورى 256 وانت مش محتاج اكتر من كدة أبدا
سعر المعالج ده بيبدأ من 350 جنيه وانت طالع

طب لو انت من اللى ما بيرحموش الجهاز - زيى كدة -
احنا معظمنا بيجيب ألعاب تقيلة قوى قوى وعلى سبيل المثال لا الحصر نيد فور سبيد طبعا الأجزاء الجديدة زى موست وونتيد والفيفا 2006 مثلا ولا كويك 4 دى ابقى قابلنى لو عندك بروسيسور قليل انك تتمتع بيها لأنها لعبة معمولة لاستفزاز امكانيات الأجهزة
هتقولى مش بالعب , أنا باشتغل ثرى دى ماكس وفوتو شوب و تحرير فيديو وصور و.....و......
هاقولك بسسسس , انت كدة خربتها أكتر , لأن البرامج دى هى اللى بتحتاج الأجهزة القوية ولا بديل لك عن بنتيوم وليس سيليرون أبدا
يبقى اخوانا اللى هيشتغلوا تقيل بقى يجيبوا ايه ؟؟؟
حتة السرعة دى مش جوهرنا هنا انما المهم الكاش ميمورى يعنى تجيب بروسيسور لا يقل سرعته عن 2.8 أو 3 جيجا هرتز مش هتفرق انما المهم جدا ان الكاش يكون 1 أو 2 ميجا وده الموجود فى السوق معاك من أول 2.6 كاش 1 ميجا لحد 3.4 كاش 2 ميجا وانت وامكانياتك
السعر هنا يبدأ من 500 جنيه تقريبا وصولا ل 800 أو أكتر وزى ماقلنا انت وامكانياتك والشغل اللى هتعمله عليه بس نصيحة اوعى اوعى تبخل عالجهاز عشان هتندم ع الحاجة اللى مش هتفيدك ........
كدة موضوع البروسيسور خلص خلاص كلامه مش كتير بس اعرف الأول هتعمل ايه ع الجهاز وبعدين قرر

الرامات والكروت:

وعشان أوضح كلمة كروت هم الاساسيين ( شاشة وصوت وفاكس مودم ) اللى هيسأل فى حاجة تانية نبقى نفرد لهم مواضيع تانية ان شاء الله

-اولا الرامات RAM :

الرامة تنقسم لشقين :

1- المساحة : ودى اللى بنتكلم عنها دايما 256- 512 ودى بالميجا بايت
2- السرعة : ودى سرعة نقل وتسليم البيانات ودى بتبقى زى البروسيسور بالميجا هرتز ودى الى بنسميها الباص BUS

المهم الموجود حاليا رام DDR وده بيبقى مقسوم من تحت لنصين يعنى فيه شق واحد بس والموجود منه دلوقت برضه هو النوع الاحدث DDR II

المهم نعرف اننا لما هنجيب رامة هيبقى الباص بتاعها 533 , يتبقى بقى هنجيبها قد ايه يعنى سعتها قد ايه ؟؟ وده هو مقاس الرامة الأصلى بالميجا وحاليا فى جيجا هتلاقى الرامات تبدأ من 256 ميجا لغاية رامة 1 جيجا بايت
عامة انصح ع الأقل ب 512 ميجا رام انما لو عجزت الكاشات مايضرش بس على فكرة الجهاز يا دوب تستخدمه استخدام اعتيادى لا يزيد عن استخدام كمبيوتر منزلى
طب اخوانا بتوع الافترا , عارفينهم ؟
أيوة هم دول , دول يستحسن معاهم جيجا رام لأن ال 512 مش وحشة انما يا دووووووب بتكفى ..... اسألونى أنا
ماشى , يبقى الرامة على حسب احتياجك و قدرتك المادية واحلى حاجة فى الرام انك ممكن لو مزنوق يعنى تجيب حتة صغيرة وبعد شوية تزودها لأنك بسهولة ممكن تضيف أى حتة ع الموجود ومعظم البورد دلوقت تستوعب 4 رام كل واحدة جيجا شوف بقى كام جيجا ؟؟؟؟؟
بس فى حاجة مهمة جداً جداً لازم تراعيها , وهى لو هتجيب رامة فوق اللى عندك لازم الرام يكون متوافق , واحد يقوللى وانا هاعرف منين ؟؟؟؟
أقوله خلاص بقى انت اللى قولت يبقى تجيب أخت الرامة اللى عندك بمعنى :
عندك رام سبيكتك 256 ميجا باص 400 ، ماتروحش تجيبلها هاينكس باص 533 ولا اليكسير باص 333 لأن ساعتها الجهاز هيعملك شقلباظات وحركات ويعقدك فى عيشتك وعلى رأى روتانا ( هيوريك اللى عمرك ما شفته )
يبقى تراعى الآتى :
أولا تكون نفس النوع يعنى الرام دى يستحسن تجيبلها سبيكتك برضه
طيب مالقيتش سبيكتك , تعمل ايه ؟؟ امممممم, هاقولك بسيطة هات نوع تانى وأنا باحب الاليكسير وال هاينيكس بس لازم لازم لازم لازم نفس الباااااااص
يعنى تجيب رام تانى بس باص 400 برضه عشان ما يعملكش قفلة ......
أخيرا يا ريت تبقى نفس الحجم هو مش شرط انما عشان تبقى فى السليم انما نفتكر تانى ان الباص هو الأساس لازم يكون متوافق وعلى فكرة قابلنى رامات متوافقة فى المساحة والباص ( 256 ميجا باص 400 ) بس كانوا نوع مختلف فكانت النتيجة ان الجهاز ما قراهمش باص 400 قراهم 333 .... رضا

نديكم بقى الأنواع الكويسة وعيشوا مع نفسكم :

1- SpekTech
2- Kingstone من أفضل الأنواع لكن أغلاها وأعلاها ضمان
3- Elixir
4- Hynix

ملحوظة اخيرة :
بالنسبة للباص المكتوب عالرامة مش بيبقى نفس الرقم, إزااااااااااى ؟؟؟
الباص اللى مكتوب ع الرامة بيبقى الباص الفعلى مضروب فى 8 واليكم مثال كالآتى :
رامة باص 400 تلاقى مكتوب كدة PC 3200 طبعا كله طلع الالة وحسب وقسم 3200 على 8 طلعت 400 يبقى ده الباص
الواجب :
الرام اللى باصها 533 يبقى مكتوب كام عليها ؟؟

أتمنى أشوف الحل فى المشاركات الجاية

الكروت الاضافية:

وهى فى الأساس كارتين هم الشاشة والصوت بس هنضيف عليهم كارت كمان كارت الفاكس ودول التلاتة اللى معظم الأجهزة دلوقت لا تخلو منهم ......

نخش فى الموضوع طوالى

أولا : كارت الشاشة :-

كارت الشاشة من الحاجات اللى بقى بيتعملها مليون حساب دلوقت فى زمن بقت فيه الألعاب بالفعل تتحدى امكانيات الأجهزة وتستفز أى واحد فينا ماعندوش جهاز حديث, طيب انت وانت نازل تشترى كارت تختاره ازاى ؟؟؟
أولا هناخد فكرة سريعة كدة عن الكارت وهنقول ان الكارت يتكون من 3 أجزاء رئيسية هى :

1- اللوحة : ودى هى الكارت نفسه يعنى اللوحة اللى عليها كل حاجة واللوحة بتعملها الشركات اللى بتعمل اللوحة الأم زى جيجا بايت و أسوس كدة
2- الشريحة الرئيسية أو المعالج : ودى هى بقى أهم حتة فى الكارت لأنها بتحدد الموديل بتاعه وبرضه بتبقى بأرقام كل ما تعلى بتبقى أحدث وأحسن زى مثلا شرائح Geforce FX 5600 أعلى من شرائح Geforce FX 5200 وهكذا , والشركتين الأشهر والأقوى فى هذا المجال هم نفيديا nVIDIA و اى تى آى ATI
الأولى تصمم شرائح الجى فورس GeForce والتانية تصمم شرائح Radeon و RX الجديدة
3- الذاكرة : الكارت بيبقى برضه عليه رامات ودى بقى اللى بنقيس بيها سعة الكارت يعنى لما نقول كارت شاشة 128 نقصد ان عليه 128 م.ب رامات وبديهى طبعا ان كل ما تعلى يبقى أحسن

كدة خلصنا الجزء الخاص بشرح المكونات الأساسية فى بقى حاجة كمان نقولها , وهى المكان اللى بيركب فيه الكارت ع اللوحة الأم وده منه نوعين حاليا :
AGP وده مدخل الكروت من زمن يعنى يمكن من حوالى 8 سنين و يمكن أكتر كمان وده كان سريع وكل حاجة انما التطور بقى وعلى فكرة مازال موجود المدخل ده فى بورد كتير فى السوق .......
PCI-Express ده بقى الأخ الجديد اللى بقت سرعته ضعف سرعة ال AGP وبالفعل فارق الأداء بيبقى ملحوظ مابين الاتنين وده ظهر من ييجى سنتين تلاتة يعنى لسة طازة وهو موجود فى البورد الحديثة اللى فى السوق وهيبقى هو الأساس بعد كدة لأنه واضح ان كروت ال AGP هتنقرض من السوق قريب .......

طب كدة خدنا فكرة عن كل حاجة نشوف هنختار ازاى ؟؟؟
نفس التقسيمة اللى عرفتوها برضه لو انت راجل مش هتحتاج تشغل حاجات قوية وتقيلة ع الجهاز تقدرتجيب كارت AGP عادى لأنك مش محتاج أكتر من كدة وهيبقى 128 ميجا لأن ده بقى أقل حاجة فى السوق دلوقت واختيارك هيبقى لحاجتين هم أولا نوع لوحة الكارت وثانيا الشريحة يعنى موديله وهاديك علطول أنواع تقدر تجيبها :
بالنسبة للوحة يفضل تبقى

1- XFX
2- MSI
3- GIGABYTE
4- ASUS

أسعار الكروت دى بنت حلال يمكن بتبدأ من 200 جنيه وانت طالع

طب لو انت من بتوع الشغل الجامد وخصوصا خصوصا الألعاب يعنى اللى هيشترى جهاز يلعب عليه بس هو أحوج واحد لكارت قوى يسد مع اللعب التقيلة ( كل اللعب بقت زى التهمة بصراحة )
مبدئيا كدة يا باشا انسى ال AGP يعنى كلامنا كله هيكون عن كروت ال PCI-Express وطبعا زى ماتفقنا انت هتشترى بوردة شديدة يعنى هى أساسا فيها المنفذ بتاع الكارت ده , طيب كلام جميل برضه بالنسبة للذاكرة نصيحة يابن الناس ابعد عن ال 128 لأنه بصراحة ماعدش جايب همه أساسا وابدأ فكرعالأقل فى كارت 256 ميجا وعلى فكرة فى 512 دلوقت
طب نقولك بقى النوعين اللى هتجيبهم

1- XFX
2- MSI
3- GIGABYTE
4- ASUS

طب كدة اخترنا نوع الكارت الشريحة اللى عليه هتبقى ايه ؟
لو هتجيب الجى فورس اوعى تقل عن FX 6600 ولو هتجيب راديون برضه ماتقلش عن RX 600 وطبعا زى ماتفقنا السعة هتبقى كاااااااام ؟؟؟؟ أيوة 256 ميجا

كلمة أخيرة بقى قبل مانختم, طبعا مفهوم انك هتلاقى أنواع كتير وهتلاقى اختيارات بالهبل قدامك انما أنا لما بارشح نوع أو اتنين فده اللى انا احتكيت بيه وجربته وعارف أداؤه انما لو انت مجرب نوع تانى وواثق فيه فتوكل على الله وما تترددش
وحاجة تانية لازم تحطها فى الاعتبار ان كارت الشاشة من الحاجات اللى ماينفعش تتهاون فيها ولا تسترخص لأنها بتبقى غالية وحرام تخسر وتغيرها كل شوية لذلك باقول تانى على قد احتياجاتك هات اللى يناسبك مهما كان تمنه .....

ثانيا : كروت الصوت :-

أنا يعنى بصراحة شايف ان البورد الجديدة كلها بقى عليها كروت صوت تمام التمام وتوفى احتياجاتنا على أساس اننا مش قاعدين فى ستوديو يعنى فنصيحة كل واحد يرضى بكارت الصوت البيلت ان وكدة فل الفل
طب انت راجل نزهى وعايز كارت خارجى, مش هارغى كتير وألف وأدور لأنه مافيهاش كلام أصلا عليك وع الكرييتيف لأنه أفضل نوع فى السوق وطبعا هتجيب أقل حاجة لايف 5,1 ومعاك لغاية 7,1 عشان الصبات بقى , ولو انت يعنى راجل ربنا فاتحها عليك من وسع فاتكل على الله وهات بقى كرييتيف أوديجى AUDIGY ودى بقى موديلات من كرييتيف تتعدى كونها مجرد كارت صوت لأنها أشبه بنظام صوتى متقدم مداخل ومخارج وحاجات مانعرفهاش أساسا وواجهة أمامية وحاجات كدة ربنا يوعدنا يعنى , بس خللوا بالكم الكروت دى والله أعلم بتلعب فى ال400 أو ال500 ومعاك تقريبا لحد الألف ونص ....... ماله بس البيلت ان ؟؟؟؟؟

ثالثا : كروت الفاكس مودم :-

دى بقى أهميتها قلت مع انتشار الدى اس ال وطبعا كل اللوحات الأم دلوقت فيها كروت شبكة فماحدش بيجيبها غالبا بس برضة للى يحب يعرف هنقول ....
كروت الفاكس اللى موجودة حاليا سرعتها 56 ك . ب وفى 128 ك.ب بس غالية ومش هتستفيد بيها لأن خدمتها تكلفتها عالية ع الفاضى , يبقى خلونا فى الكروت الداخلية اللى سرعتها 56 ك.ب فى الثانية وهنقول علطول الأنواع لأنه لا يوجد ما نشرحه فى كروت الفاكس

3- ROCKWELL (CONEXANT)

الدرايفات أو وحدات التخزين Storage device:

1- الفلوبى ديسك :

طبعا ده مافيهوش كلام من أساسه انت هتروح المحل تقوله فلوبى هيطلعلك كيس فيه الفلوبى بس السونى أحيانا بتنزله فى علبة كرتون صغيرة انما ولا تفرق

2- السى دى روم :

أو بمعنى أدق هنقول رايتر لأنه خلاص ماعدش فى أى فرق واللى هيجيب يستحسن ينجز ويجيب رايتر طبعا مواصفاته بتبقى 52*32*52 وده معناه انه يقرا ويكتب بسرعة 52 x ويمسح ويعيد الكتابة بسرعة 32 x وكله حالياً كدة فى السوق, كلمة اخيرة فى الرايتر يستحسن انه يكون فى كرتونة (بوكس يعنى )
لأن أحيانا تلاقى البياع مديك واحد فى كيس ويقولك خد ده هو هو بس أرخص اوعى تاخده وخليك فى المضمون , كام نوع كدة فى السريع :

1- LG وده أنا أفضله على أى نوع
2- ASUS
3- MSI
4- Samsung

3- الهارد ديسك :

خليناه للآخر عشان هو أهمهم وبرضه مافيهوش كلام كتير لأن كله واحد عند كل الناس , عامة الهاردات كلها حاليا سرعتها 7200 لفة ف الدقيقة والمساحات اللى موجودة جديد حالياً هى 80 و 160 و200 جيجا انت شوف عاوزه قد ايه وانت وامكانياتك ان شالله تجيبه ألف جيجا انت حر
الحاجة اللى يمكن هنتكلم فيها هى نوعه هتجيبه ساتا ولا عادى ؟؟؟؟
الهارد الساتا هو نفس الشكل انما الفارق فى كبل الداتا بتاعه انه بيبقى أصغر فى شكله ونظريا هو أسرع بكتير انما ده بيتوقف على مواصفة جهاز حضرتك يعنى كلما عليت مواصفات جهازك كلما تستفيد بالساتا أكتر وتخللى بالك برضه ان انت لو جبت الهارد ساتا مش هينفع تروح بالهارد ده لواحد صاحبك عنده جهاز قديم لأنه طبعا مافيهوش مكان للساتا
خلاص كدة الكلمتين اللى هنقولهم فى الهارد خلصوا وفاضل بقى الماركة بتاعته وانا بصراحة لا أفضل غير دول :

أحيانا تلاقى هاردات غريبة نزلت السوق ويقولك ضمان 5 سنين ومش عارف ايه خللى بالك من الكلام ده كويس وابعد عن اللى ما تعرفوش لأن بصراحة الحاجات الدرجة الاولى مابتشرفش عندنا كتير لأن تمنها بيبقى غالى ومكسبها طبعا هيبقى قليل للشركات وهاديكم مثال على هاردين يابانى اللى يلاقيهم يغمض ويشتريهم وعلى ضمانتى وهم Fujitsu و Quantum بس اللى يلاقيهم بقى ويبقى يقوللى

أظن كدة خلص الكلام كله
واتمنى من الجميع ان يستفاد منه 1- Microsoft دى أنواع موجودة فى السوق وأسعارها معقولة بتبدأ من 40 أو 50 جنيه ولغاية 300 أو 400 1- Microsoft وبرضه هنقول فى أنواع تانية بس تبص عليها قبل ماتشترى وتعاينها كويس 1- Creative وده الملك بس اتأكد من ملصق الوكيل عليه 2- Genius دى يعنى الحاجات الجامدة بتتكلم فى 150 وانت طالع غيركدة الحاجات الصغيرة بقى تنزل تتفرج وتنقى اللى انت عاوزه بس تختبرها الموضوع مافيهوش كلام كتير قوى لأنه مش محتاج بحث أو خبرة انما هنقول الكلمتين اللى فيهم الفايدة بسرعة طبعا يوجد أنواع أخرى فى أقل وفى حاجات فى العليوى قوى انما انا باتكلم عن المتوسط مستقبل الكمبيوتر وكفاءته تعتمد ع الأخ ده لأنه ببساطة هو المصدر الأساسى للطاقة , أولا يكون من نفس الخامة الجيدة بتاعة الكيسة , ثانيا يكون تقيل ودى مهمة عشان الترانس اللى جوه بيبقى تقيل وبرضه المروحة جوة تكون قوية ويكون ع الأقل خاااالص 300 وات فعلى ودى ترجع للنوع اللى انت جايبه لأن معظم اللى فى السوق ....... انتوا فاهمين يعنى دى الحاجات اللى أنا جربتها غير كدة فده متروك ليك بقى تعاين وتدور زى مانت عايز والأنواع عندك ماتعدش بس أهم حاجة الباور سبلاى يا خوانا مهم جدا جدا ودى بلا شك أهم جزء على الاطلاق فى الكمبيوتر كله لأنها هى الأساس والباقى ممكن تتحكم فيه فيما بعد لازم الأول نعرف حاجات مهمة عن اللوحة الأم , وهى ان اللوحة الأم مش بتتعمل كلها فى شركة واحدة أو بمعنى أصح مكوناتها بتيجى من كذا مكان كالتالى : طبعا البورد دى تدعم معالج انتل بس انما لو ليك مزاج فى AMD يبقى هتجيب بوردة بشريحة SIS أو VIA لأن مش معقول انتل هتعملهم بوردة طبعا أنا بارشح أنواع شفتها وجربتها وبرضه هتلاقى أنواع تانية جامدة كتير زى ألباترون والأنواع كتير بس أنا بارشحلكم اللى جربته ولا يضير أبدا ان حد عنده بوردة عجبتك تجيب زيها طالما انت متأكد من كفائتها بس اوعى اوعى حد من التجار يضحك عليك ويقولك خد دى مالهاش حل بوردة صاروخية وبتفتح وتقفل لوحدها لأن العك فى البوردة ماينفعش لذلك ابعد عن اللى ماتعرفوش وغنيله ...... المعالج ده مش هنقترح فيه أنواع لأنه على مستوى العالم كله مافيش غير شركتين بيعملوه أساسا هم Intel و AMD وعلى عكس ما يظن الكثيرين فمعالج ال AMD أقوى من الانتل ولكن بخته وحش لأن تسويقه فى مصر مش قد كدة بصراحة مش عارف ليه مع انه قوى وسعره فى نفس مستوى الانتل الرامات هى الذاكرة اللى هيشتغل بيها الجهاز وهى من مقاييس السرعة والأداء المهمة فى تحديد كفاءة أى جهاز . بما ان كلامنا كله عن P4 لأنه الموجود فى السوق وهو الجديد يبقى لازم نتكلم عن الرام بتاعه وهو DDR RAM وده النوع اللى بقى شغال فى العالم كله دلوقت لا بقى فى SD بتاع P3 ولا RD بتاع P4 أول ماطلع لأنها رامة مكلفة جدا بس الصراحة صاروخ اللى يتميز بباص اعلى يبدا من 533 ميجا هرتز ( ماحدش يغوص فى الارقام دى ) دول الأنواع اللى أفضلها وياريت ما نعكش واحنا بنشترى الرامات لأن البياع ممكن يطلعلك رام شكلها أصلا مايديش على دايرة الكترونية ولا كأنها معمولة بالإيد دى اوعى تجيبها مهما كان السعر مغرى ممكن تبقى أرخص 40 جنيه بس اوووووووووووووعى ..... خليك فى المضمون وتأكد من قراءة اسم الماركة على الرامة يعنى سبيكتك يكون مكتوب عليها سبيكتك وهاينيكس هاينيكس مش يقولك سبيكتك تقوله فين الاسم يقولك أصل بقوا بيتكسفوا يكتبوه عليها تقوله اااااااه وتاخدها وتمشى ثانيا الشريحة فى ناس بتفضل الجى فورس وناس بتفضل الراديون وانت ومزاجك بس ياريت لو هتجيب جى فورس ماتقلش عن شريحة 5200 ولو هتجيب راديون ماتقلش عن 9250 يعنى عشان تاخد اداء كويس من كارت الشاشة انما لو هتجيب كارت PCI-Express فالوضع هيختلف لأن الشرائح فى الجى فورس تبدأ من 6200 والراديون اللى بيبقى اسمها آر اكس RX تبدأ من 300 ودول يعنى ماشى حالهم لو شغلك خفيف زى ماتفقنا ..... تقريبا نفس الأنواع لأن دول من أفضل مصنعى اللوحات عموما مع ملاحظة ان XFX اسم متخصص فى كروت الشاشة فقط وهو أقوى الكروت فى السوق حاليا 1- CREATIVE وده بصراحة كدة تجيبه من الآخر وماتبصش ع الانواع التانية هو أغلى 25 جنيه انما بصراحة مش هتندم على أى جنيه فى فرق سعره عن أى كارت تانى 2- MOTOROLA النوعين الأخيرين هم الأكتر شيوعا أنا عارف انما بصراحة الأيام دى فقدوا مصداقيتهم شوية والظاهر والله أعلم دخلنا فى حوارات مضروب وكدة فلو هتجيبهم تخللى بالك كويس قوى وعموما سعرهم فى حدود 30 جنيه أنا هاخدهم من تحت لفوق يعنى ننجز فى الحاجات السهلة الاول وننهى بالكبير وماحدش يتعجب انى ماحطيتش السونى انما بصراحة لم يثبت كفاءة كرايتر ودى طبعا وجهة نظر قابلة للاختلاف 1- Western Digital وده اللى باجيبه علطول لأى حد 2- SeaGate وهو التانى بعد الويسترن

» اي حد عايز سريال او كراك خش ونزل الحل
» المكتبه الكامله والشامله للبرامج الحديثه التى لا غنى عنها فى اى جهاز شوف الصور
» التعريب 529 ـ Super Utilities Standard لصيانة جهاز الكمبيوتر
» مجموعة هامة ورائعة من البرامج الهامة لأي جهاز ( من الأخر )
» تعلم كل اساسيات الكمبيوتر وتعلم كيف تحمى جهاز من المخترقين